Nintendo компаниясининг NX деб ном оладиган янги консоли Android операцион тизимида ишлай олиши маълум қилинмоқда.

Компания очиқ платформадан фойдаланмоқчи, чунки бу платформа учун турли дастурлар яратилган. Кейинги консоль Wii U нинг тўғридан-тўғри издоши бўлмайди. Маълумотларга кўра, NX консоли Wii U ва 3DS ўртасида жойлашувчи, ҳам стационар, ҳам портатив консоль кўринишидаги гибрид қурилма бўлиши мумкин.

Аввалроқ Nintendo компанияси Android операцион тизимида ишлайдиган ўйинлар бозорига чиқишини маълум қилганди. Авваллари компания таклиф қиладиган ўйинлар компаниянинг шахсий операцион тизимида ишловчи қурилмалар учунгина яратилган.