1 июнь куни Қирғизистондаги энг бўйи баланд одам бўлган Женгишбек Райимбоев вафот этди. Бу ҳақда “Турмуш” нашри хабар бермоқда.
Женгишбек Райимбоевнинг аҳволи кун сайин ёмонлашиб бораётган эди. Унинг онаси Жанилқан Хўжабекованинг мурожаатидан сўнг мамлакатнинг энг бўйдор одамига ёрдам кўрсатиш борасида чора-тадбирлар кўрилди.
Жумладан, 2015 йилнинг 28 май куни президент Алмазбек Атамбаев махсус қарор имзолаб, Райимбоевга 10 минг сом ойлик нафақа тайинлади. Бундан ташқари, ижтимоий ҳимоя ва қўллаб-қувватлаш жамғармасидан унинг даволаниши учун 100 минг сом ажратилди.
Аммо бу ишлар самарасини бериб улгурмади, Райимбоев 1 июнь куни вафот этди. Унинг дафн маросими 3 июнь куни бўлиб ўтади.