Чимкент шаҳрида 11-синф ўқувчисини ўғрилаб кетган жисмоний тарбия ўқитувчиси ҳибсга олинди. Интерфакс агентлигининг хабар беришича, у ўқувчи қизга уйланмоқчи бўлган.
25 ёшли ўқитувчининг уч нафар шериги ҳам бўлган. Қизнинг ота-онаси унинг устидан шикоят қилгач, ҳуқуқбузар қўлга олинган.
Келин ўғирлаш – Ўрта Осиё ва Кавказда кенг тарқалган одат. Қозоғистонда охирги йилларда бу одатга қарши кураш олиб борилмоқда.
Жумладан, 2013 йили “Аёллар ижодий ташаббуси лигаси” жамоат ташкилоти бошқаруви раиси Асия Хайрулина ўғирлаш асосида тузиладиган никоҳларни бекор қилиш ташаббуси билан чиққанди.