Кўзи ожизлар жамияти амалдорларидан бири пора билан қўлга тушди

Жамият 02 Июнь 2015 1720

Ўзбекистон кўзи ожизлар жамияти марказий бошқармасининг расмий вакили Чустдаги кўз ногиронлари ишлайдиган ташкилот ходимларидан 4500 доллар пора олган. Бу ҳақда “Ҳуқуқ” газетаси хабар бермоқда.

Аниқланишича, амалдор “Пахтасаноат” уюшмасидан Чуст ўқув-ишлаб чиқариш корхонасига 150 тонна пахта линти ва 20 тонна тола олиб кетиш учун розилик хатини имзолаш учун пора талаб қилган.

Шу каби “хизмат” учун у Фарғона ожизлар жамияти вакилидан 1250 доллар сўраган. Аммо тегишли жойга ариза ёзилиб, номи зикр этилмаган амалдор ҳибсга олинди.

Унга 6 йил озодликдан маҳрум қилиш жазоси тайинланди.

Кўпроқ янгиликлар