ФИФАда авж олган жанжал бош футбол ташкилотининг бўлиниб кетишига сабаб бўлиши мумкин. Айниқса Европа футбол федерациясининг норозилиги жиддий тус олмоқда.

Таъкидланишича, УЕФА халқаро ташкилот таркибидан чиқиб, ўз мусобақа ва тадбирларини уюштиришни режалаштирмоқда.

Биринчи навбатда Дания вакили Аллан Хансен ФИФА таркибидан чиқиш, икки йилда бир марта муқобил чемпионатлар ўтказиш ва уларга бошқа қитъалар термаларини чақириш ташаббуси билан чиқди. Бу таклиф ФИФА президентлигига сайловлардан олдин ўтказилган 54 Европа федерацияси вакилларининг йиғилишида илгари сурилди. Унга Норвегия ҳам қўшилди.

Шу ҳафтанинг шанба куни Берлинда УЕФАнинг навбатдан ташқари конференцияси ўтказилади, унда федерациянинг кейинги қадамлари борасида музокаралар олиб борилади.