Хитойнинг Tzekwan технологик компанияси Цинхуа университети билан ҳамкорликда дунёдаги биринчи биометрик банкомат ишлаб чиқди. Бу ҳақда Синьхуа ахборот агентлиги хабар бермоқда.
Айтилишича, банкомат юз таниш хусусиятига эга. У орқали пулларни нақдлаштириш учун аввало юз идентификациясидан ўтиш талаб этилади.
Биометрик банкомат ичига камера ўрнатилган. У мижознинг юзини суратга олиб, ўзидаги маълумотлар базаси билан қиёслаб кўради. Ишлаб чиқарувчиларнинг эътироф этишича, ускуна инсоннинг биологик ўзига хосликларини эслаб қолади ва ҳатто уларнинг ташқи кўриниши ўзгариб кетган бўлса ҳам таний олади.