"Реал", "Милан" ва "Тоттенҳем" жамоалари "Бавария" мезбонлик қиладиган Audi Cup-2015 турнирига ташриф буюришади.

Ўйинлар 4-5 август кунлари "Альянц Арена" ўйингоҳида ўтказилиши режалаштирилган.

Аввалига "Реал" "Тоттенҳем" билан, "Бавария" эса "Милан" билан куч синашади. Икки жуфтликнинг ғолиблари эса бош соврин учун, мағлублар учинчи ўрин учун ўйин ўтказишади.

Бу турнир ҳар 2 йилда бир марта ташкил этилади. 2013 йилги ўйинларда "Бавария" ғолиб чиққанди.