"Napoli" jamoasining sobiq bosh murabbiyi hisoblanadigan ispaniyalik mutaxassis Rafael Benites rasman "Real" bosh murabbiyi sifatida tasdiqlandi.
Madridliklar ushbu mutaxassis bilan 3 yillik shartnoma imzolashgan.
Benitesni jamoaning yangi bosh murabbiyi sifatida tanishtirish marosimi bugun, 3 iyun kuni, Toshkent vaqti bilan 15:00 da o‘tkazilishi rejalashtirilgan.
Biroz oldinroq, Benites "Real"da yiliga 4 million yevro maosh olishi xabar qilingandi.
Ma'lumot uchun, u "Real"da 1989-1994 yillar mobaynida ham turli yosh darajasidagi jamoalar murabbiyi va asosiy jamoa murabbiyi yordamchisi sifatida ishlagan.