Хитой АҚШ президенти Барак Обамани жиддий қабул қилмаяпти, ва унинг муддати тугамагунига қадар икки мамлакат ўртасидаги муносабатлар ўзгармайди. Бу фикрларни Bloomberg View колумнисти Жош Рожин ўз мақоласида билдириб ўтди.
Мақола Вашингтоннинг Жанубий Хитой денгизида ХХР билан тўқнаш келишига бағишланган. ХХР Бруней, Малайзия, Тайвань, Вьетнам ва Филиппин билан ҳудудий баҳсларга эга. Хитой денгизда сунъий ороллар ярата бошлаганида эса бу давлатлар ўртасидаги муносабатлар янада кескинлашиб кетди.
АҚШ иттифоқчи мамлакатлар томонини олиб, Хитойнинг бу хатти-ҳаракатларини танқид остига олди; ХХР ўз навбатида Вашингтонни вазиятни кескинлаштиришда айблади.
Колумнистнинг фикрича, Вашингтон ХХРнинг жавоби салбий оқибатларга олиб келмаслиги учун минтақада нозик қадамлар ташлашга ҳаракат қилмоқда. Лекин Пекин буни заифлик деб баҳолаб, шартларини кўпайтирмоқда.