Россиянинг Россельхознадзор ташкилоти Россия ҳудуди орқали АҚШдан Қозоғистонга парранда гўшти транзитини тақиқлаб қўйиши мумкин. Бу ҳақда “Интерфакс” ахборот агентлиги хабар бермоқда.

“Бугун-эрта АҚШ парранда гўштини Қозоғистонга транзит қилиниши масаласини кўриб чиқамиз, чунки бу маҳсулот транзит пайтида бизнинг ҳудудда “йўқолиб қолмоқда”, деб айтди Россельхознадзор раҳбари Сергей Данкверт.

Данквертнинг айтишича, АҚШ транзит баҳона ўзига нисбатан киритилган озиқ-овқат эмбаргосини четлаб ўтмоқда. “Ман қилинган маҳсулот ҳар қандай йўллар билан ҳудудимизга олиб кирилмоқда, Россельхознадзор ходимлари бу маҳсулотни бир қатор Россия вилоятларида, асосан Сибирда аниқламоқдалар”, деб таъкидлаб ўтди Данкверт.

Россия 2014 йилнинг 7 августидан АҚШдан парранда гўшти олиб келинишини ман қилиб қўйган.