Украинанинг собиқ президенти Виктор Янукович ўзининг ўғли Александр билан Люксембургдаги Европа судига ўз номларининг Европа Иттифоқи “қора рўйхатида” мавжудлиги устидан шикоят қилиб даъво аризаси йўллади, деб хабар бермоқда Интерфакс ахборот агентлиги.

Янукович ва унинг ўғли ЕИга кириш тақиқланган ва активлари музлатилган шахслар рўйхатига ўзларининг номларининг киритилишини бошқатдан кўриб чиқишни талаб қилмоқда.

Виктор ва Александр Янукович Украина бюджетидаги маблағлардан нотўғри фойдаланганликлари важ қилиниб, ЕИнинг санкцион рўйхатига киритилган эди.

Аввалроқ Европа Иттифоқи Януковичнинг марҳум ўғлини санкцион рўйхатдан чиқариб ташлагани маълум қилинганди.