Apple корпорациясига 2014 йил майидан буён тегишли бўлган Beats Electronics компанияси маҳсулоти бўлмиш Beats Pill XL моделдаги портатив колонкалар батареяларининг қизиб кетиши натижасида ўт олиши мумкин. Бу борадаги огоҳлантириш гигант концерннинг расмий сайтида эълон қилинди.
Таъкидланишича, ўт жуда кам ҳолатларда келиб чиққани кузатилган. Шунга қарамай, компания бу динамиклардан фойдаланмасликка чақирди, шунингдек, ушбу партия маҳсулотларни сотувдан чақириб олишини, харид қилинганлар нусхаларни қайтариб олишини маълум қилди. Бундай колонкага эга одамлар сайтда ўз манзиллари кўрсатилган мурожаатнома қолдириши талаб этилади. У ерга юборилган махсус идиш ичига колонкани солиб, қайтариб юбориш керак. Орадан 3 ҳафта ўтиб, Apple харидорга маҳсулот пулини қайтаради. Муқобил вариант сифатида Apple Store онлайн дўконида чегирмалар тақдим этилиши мумкин.
Эслатиб ўтамиз, Beats Pill XL динамиклари 2014 йил январидан буён ишлаб чиқарилади.