АҚШда мусулмон йўловчи Кока-Колани қурол сифатида қўллаши мумкинлигини айтган стюардесса ишдан ҳайдалди

Жаҳон 04 Июнь 2015 3880

Shuttle America минтақавий авиакомпаниясига тегишли лайнерлардан бирининг стюардессаси мусулмон йўловчиларга нисбатан қўпол муносабати учун ишдан ҳайдалди. Бу ҳақда Associated Press агентлиги компаниянинг матбуот хабарномасига таянган ҳолда хабар бермоқда.
Айтилишича, Шимоли-Ғарбий университет ходимаси Тоҳира Аҳмад стюардессадан парҳез Кока-Коласи беришни сўраган. Стюардесса эса, йўловчининг ҳижоб ўраганини кўриб, унинг илтимосини бажаришдан бош тортган, сабаб сифатида эса у “Кола идишини қурол сифатида қўллаши мумкин”лигини рўкач қилган.

Бундан жаҳли чиққан Аҳмад хоним Фейсбук ижтимоий тармоғида бўлган воқеани баён қилган. Орадан бироз вақт ўтиб, Твиттерда уни қўллаб-қувватлаш акцияси ўтказилган.
Шундан сўнг воқеа тафсилотлари компания раҳбариятига ҳам етиб борган. Ксенофоб стюардесса ишдан бўшатилган.

Кўпроқ янгиликлар