Буюк Британия маданият, ОАВлар ва спорт вазири Жон Уиттингдейл ўз мамлакатининг 2022 йилги жаҳон чемпионатини агар у Қатардан олиб қўйиладиган бўлса, бу мусобақани ўтказишга тайёрлигини, бироқ унга Россия халақит бераётганини айтмоқда, чунки мундиаль Европага икки марта кетма-кет берилмайди.

“Биз Қатарда жаҳон чемпионатини ўтказиш билан боғлиқ вазиятни кузатмоқдамиз ва ҳозирча бу қарор ўз кучида қолмоқда. Агар Россияда жаҳон чемпионатини ўтказиш борасида нимадир ўзгарса ва ФИФА биздан чемпионатни ўтказишни сўраса, унда бизда буни амалга ошириш учун барча имкониятлар мавжуд, бунинг устига бизнинг 2018 йилги мундиални ўтказиш учун берган аризамиз жуда кучли эди”, деб айтмоқда Уиттингдейл.

Аввалроқ, Англия футбол уюшмаси Йозеф Блаттернинг ФИФА президенти лавозимига қайта сайланишига жавобан Россиядаги жаҳон чемпионатига бойкот эълон қилишга чақирган эди. Бироқ Блаттер истеъфога кетишини эълон қилгандан кейин бу ҳақдаги гап-сўзлар секин барҳам топган эди. 

Маълумот учун, Англия ва АҚШ мос равишда 2018 ва 2022 йилги жаҳон чемпионатларини ўтказиш ҳуқуқини Россия ва Қатарга бой берган эди.