Чехия ҳукумати мамлакат президенти ваколатини чеклаш режасини маъқуллади, деб хабар бермоқда Reuters ахборот агентлиги.

Чехиянинг амалдаги президенти Милош Земан бу қарорни “бемаънилик” деб атади.

Қайд этилишича, ҳукумат президентнинг мамлакатнинг ташқи сиёсатига таъсир кўрсатишини чеклаш мақсадида конституцияга ўзгартириш киритиш ҳамда Марказий банк раҳбарини тайинлаш ҳуқуқидан маҳрум қилишни таклиф қилди.

Бу тузатишлар кучга кириши учун парламентнинг қуйи ва юқори палаталарининг камида 60 фоиз парламентарийлари уларни маъқуллашлари керак.