Голливуд юлдузи Брюс Уиллис Хитой кино усталари томонидан суратга олинаётган Иккинчи жаҳон уруши ҳақидаги “Бомбардимон қилиш” фильмида суратга тушмоқда. Бу ҳақда The Hollywood Reporter нашри хабар бермоқда.

Цзяо Фенга режиссёрлигида суратга олинаётган ҳамда 56 млн доллар бюджетга эга фильм асосида Япония томонидан Хитойнинг жануби-ғарбида жойлашган Чунцин шаҳрининг бомбардировка қилиниши ҳақидаги реал воқеалар ётади.

Иккинчи жаҳон уруши якунланганининг 70 йиллигига бағишланган ушбу фильм кейинги йилнинг бошидан намойиш қилиниши бошланади. Режиссёрнинг айтишича, ҳозирда суратга олиш ишлари олиб борилмоқда ва Уиллис фильмнинг асосий саҳналарида иштирок этишни бошлади.