Ўзбекистон Республикаси Президенти Ислом Каримов 2015 йил 3 июнь куни «Қимматли қоғозлар тўғрисида»ги қонуннинг янги таҳририни имзолади.

Ўзбекистон Республикасининг 2008 йил 22 июлда қабул қилинган «Қимматли қоғозлар бозори тўғрисида»ги ЎРҚ–163-сонли Қонунига ўзгартириш ва қўшимчалар киритиш тўғрисида Ўзбекистон Республикаси қонуни кучга кирди. Қонун матни «Халқ сўзи» газетасида эълон қилинган.

Мазкур Қонун Қонунчилик палатаси томонидан 2014 йил 24 октябрда қабул қилинган бўлиб, Сенат томонидан 2015 йил 15 майда маъқулланганди.

9 боб ва 64 моддадан иборат қонун қимматли қоғозлар эмиссияси, жумладан янги молиявий инструментлар билан боғлиқ ҳуқуқий жараёнларни соддалаштириш ва самарадорлигини оширишга йўналтирилган. Янги таҳрирдаги қонун қимматли қоғозлар бозоридаги профессионал фаолият га қўйиладиган талабларни ривожланган давлатлар тажрибасидан келиб чиқиб қайта кўриб чиқади ва белгилайди.