7 мингга яқин турист Яқин Шарқ респиратор синдроми коронар вирусига (MERS) чалинганишдан қўрқиб, Жанубий Кореяга режалаштирилган сафарлардан воз кечди.

Ренхап агентлигининг Корея туристик ташкилоти маълумотларига таяниб келтиришича, шу ҳафта душанба куни бекор қилинган йўлланмалар миқдори 2.5 мингтани ташкил қилган эди. Аммо кейинги куни кечгача бундайлар сони 7 минг кишига етган. Энг кўп йўлланмалар Хитой ва бир қатор Осиё давлатлари фуқаролари томонидан бекор қилинган.

Жанубий Кореяда Яқин Шарқ респиратор синдроми коронар вирусига (MERS) чалинганлар сони 35 кишига етди. Вирус тарқалиши оқибатида 2 киши вафот этди. Карантинга тавсия қилинган одамлар сони 1 300 кишига етди. Улардан 398 нафари аллақачон касалликка чалиниб бўлгани тахмин қилинмоқда.