«Ўзбектелеком» акциядорлик компанияси 2015 йилнинг 2 июнидан бошлаб мижозлар учун интернет хизматлари нархини арзонлаштирди. Бу ҳақда компания расмий сайтида хабар берилган.

Манбада ёзилишича, янги тарифга кўра 1 Мбит/с интернет трафиги нархи 219,01 АҚШ долларни ташкил қилмоқда. Бу олдинги тариф режасига нисбатан таққослаганда 14 долларга арзонроқ дегани.

Жорий йил ҳисобидан компания 7 маротаба интернет нархларини арзонлаштирганди. 1 январдан 259,29 доллар, 7 январдан 257,42 доллар, 8 январдан 253,74 доллар, 22 январдан 251,94 доллар, 27 февралдан 240,2 доллар ва 17 мартдан 233,27 долларгача нархлар арзонлашганди.

Эслатиб ўтамиз, 2014 йил бошида интернет тарифлари нархи 1 Мбит/с. 306 долларни ташкил қилган бўлса, йил сўнггига келиб бу кўрсаткич 265 долларгача қисқарганди.

Маълумот ўрнида таъкидлаб ўтиш жоиз, «Ўзбектелеком» АК интернет провайдерлари учун Uzonline номи остида интернет хизматларини таклиф этиб келмоқда.