Қирғизистон давлат атроф муҳитни муҳофаза қилиш ва ўрмон хўжалиги агентлиги ов рухсатномалари беришни вақтинчалик тўхтатди. Айтилишича, бунга ҳуқуқий муаммо сабаб бўлган.
Қирғизистон телеграф агентлигининг агентлик вакилига таянган ҳолда маълумот келтиришича, ов рухсатномаларини бериш ҳукумат қарори билан тартибга солиб турилган, лекин айни пайтда ушбу қарор кучини йўқотган. Янги ҳуқуқий база яратилгандан кейингина рухсатномалар берилиши бошланади.
Таъкидланишича, янги ҳужжат ишлаб чиқилиш босқичида.