АҚШнинг Род-Айленд штати собиқ губернатори Линкольн Чеффи 2016 йилги президентлик сайловида иштирок этишини маълум қилди. Бу ҳақда The Washington Post хабар берди.

"Мен Демократлар партиясидан АҚШ президентлиги учун сайловда ўз номзодимни қўяман", деди Чеффи Шимолий Виржиниядаги чиқишида.

Унинг сайловолди дастурида ҳар қандай уруш ҳаракатларини инкор қилиш ғояси бўлиши кутилмоқда.

"Келинг, тинч ва фаровон Американи яратамиз", дейди Чеффи.

У шунингдек, ўлим жазосига қаршилигини ва Венесуэла билан бирлашишни хоҳлашини билдирган.

маълумот учун, ҳозирга қадар республикачилардан сенаторлар Тед Круз, Рэнд Пол, Марко Рубио, Арканзас штати собиқ губернатори Майк Хакаби, нейрохирург Бен Карсон, Нью-Йорк штати собиқ губернатори Жорж Патаки, Пенсильвания штатидан собиқ сенатор Рик Санторум ва Hewlett-Packard компанияси собиқ раҳбари Карли Фиорина президентлик сайловида иштирок этишини билдирган.

Демократлардан собиқ Давлат котиби Ҳиллари Клинтон, Вермонт штатидан мустақил сенатор Вермонт Бернард Сандерс мамлакат раҳбарлиги учун сайловда иштирок этишини эълон қилган.