Россия экспортгагина таяниб ўз иқтисодиётини қутқара олмайди – бунинг оқибатида кирим йилига 150-170 млрд долларга камайиши мумкин. Бу ҳақда Россия Марказий банки раҳбари Эльвира Набиуллина баёнот берди.
“Ташқи шароит ёмонлигича қолмоқда. Нефть нархи ўсди, лекин бугунги барқарорлашув даражасида ҳам улар охирги беш йил ичидаги нархлардан бир ярим баробар камроқ бўлиб туради. Россия экспортининг бошқа анъанавий молларига бўлган нархлар ҳам тушиб бормоқда. Шу боис экспорт иқтисодиётимизни қутқаришига ишониш тўғри бўлмайди”, – деди у XXIV Халқаро банк конгрессидаги чиқишида.
Набиуллинанинг фикрича, Россия халқаро захираларни ўстириб, охирги 2-3 йил ичида чиқиб кетган капиталнинг ўрнини босадиган маблағ тўплаши керак.
Шунингдек, у инфляция даражасининг тушиб боришини, захира маблағнинг тўплаб борилиши эса сузиб юрувчи курс сиёсатига тўсқинлик қилмаслигини маълум қилди.