Тожикистон давлат мактабларида радикалликнинг олдини олиш учун сентябрдан янги ўқув режаси киритилади. Бунга радикаллик оқибатида 2011 йилдан бери 400 га яқин тожик Сурия ва Ироққа ИШИД сафига қўшилгани жўнаб кетган сабаб сифатида кўрсатилади.

9-синф мактаб ўқувчилари сентябрдан “Динлар тарихи” ўқув предметидан таҳсил олишни бошлайди. Ушбу фандан дарс бир ҳафтада бир марта ўтилади.

Тожикистон дин ишлари бўйича қўмитаси раиси бошчилигидаги педагоглар ишчи гуруҳи янги ўқув йилига ушбу ўқув предметидан дарслик тайёрлайди.

Янги ўқув предметини киритишдан мақсад ёшлар дунё динлари тарихи бўйича билимларни эгаллаши ва шу тариқа уларнинг турли хил радикал гуруҳларга носоғлом қизиқишини камайтиришдан иборат.

2009 йилдан 2011 йилгача Тожикистон мактабларида “Ислом таълими” фанидан дарс ўтилган. Ўша пайтдаги Тожикистон Халқ таълими вазири ўқувчилар шундоқ ҳам кўп фанлардан дарс ўтишини айтиб, бу фанни бекор қилган эди.

Тожикистон ҳукумати ҳозирги бўлаётган воқеалар ортида бу ўқув предметини мактаб ўқув дастурига қайта киритишга қарор қилди.