Хитойнинг Янцзи дарёсида чўкиб кетган “Шарқ юлдузи” номли круиз кемаси ёнида қутқарувчилар фалокатнинг эҳтимолий қурбонлари оқиб кетмаслиги учун тўр қўйишмоқда

China Daily газетасининг маълумотларига кўра, қутқарувчилар кема тубида ҳали тирик одамлар бўлиши мумкин бўлган жойларда умумий ҳисобда учта тешик очишмоқчи. Сўнгра ғаввослар кема ичига кириб, йўловчиларни қидиришда давом этишади. Йўловчиларни қутқариш операциясида 200 нафардан ортиқ ғаввос иштирок этмоқда.

Маълумот учун, фалокат Хубэй вилоятида 1 июнь куни содир бўлган. Хитой транспорт вазирлиги берган маълумотларга кўра, кема бортида 456 киши, жумладан 405 нафар йўловчи, 46 нафар кема экипажи аъзоси ва 5 нафар турагентлик ходимлари бўлган. Кема капитани ва бош муҳандиснинг айтишича, кема фалокатдан олдин бўронга тушиб қолган. Тирик қолган йўловчиларнинг айтишича, кема 30-60 сония ичида сувга ғарқ бўлган. Кўпчилик ҳалок бўлганлар қутқарув мосламаларидан фойдаланишга ҳам улгура олмай қолган. Охирги маълумотларга кўра, 65 киши ҳалок бўлгани ва 14 киши қутқарилгани тасдиқларган.