2015 йилнинг январь ва май ойлари оралиғида “Ўзкимёсаноат” давлат акциядорлик компанияси корхоналарида 882,2 млрд сўмлик товар маҳсулотлари ишлаб чиқарилди. Бу ўтган йилнинг шу даври кўрсаткичларига нисбатан 103.9 фоизни ташкил қилади.
Ишлаб чиқарилган халқ истеъмоли молларининг умумий қиймати 80.9 млрд сўмга тенг. Бу борадаги ўсиш суръатлари ўтган йилнинг шу даврига нисбатан 119.7 фоизни ташкил қилди.
Компания матбуот хизматининг хабар беришича, 539.31 минг тонна минерал ўғитлар, шу жумладан, 427,76 минг тонна азот, 55.78 минг тонна фосфор ва 55.78 минг тонна калий ўғити ишлаб чиқарилган.