Япониянинг Microdia компанияси Computex 2015 кўргазмасида 512 ГБ ҳажмга эга бўлган Xtra Elite хотира картасини тақдим этди. Бу ҳозиргача энг катта ҳажмга эга хотира картаси ҳисобланган SanDisk Ultra microSDXC UHS-I Premium Edition’дан икки баробар катта кўрсаткич қайд этиб, рекорд натижа қайд этди.

Янги картанинг маълумот ўтказиш тезлиги 300 МБ/сония тенг бўлиб, у SD 4.0 ва UHS стандартларини қўллаб-қувватлайди. У асосан фото ҳамда видеосъёмка учун ишлатишга мўлжалланган.

Microdia’нинг хабар беричишича, рекордчи хотира картасининг нархи 1000 доллар атрофида бўлади.