“Соғлом авлод учун” халқаро ноҳукумат хайрия жамғармасида AmeriCares халқаро ташкилоти глобал ҳамкорлик бўлими Евросиё ишлари бўйича менежери Дмитрий Попов билан учрашув ўтказилди. Учрашувда ҳамкорликни янада кенгайтириш ва ривожлантириш истиқболлари муҳокама қилинди.
“Менинг Ўзбекистонга ташрифимдан кўзланган асосий мақсад “Соғлов авлод учун” жамғармаси билан қўшма дастурларимиз мониторинги эди”, – деди у учрашув якунларига кўра “Жаҳон” ахборот агентлигига берган интервьюсида.
Поповнинг таъкидлашича, айни кунларда ўзаро ҳамкорлик самарадор давом этмоқда. Жумладан, 2014 йили Ўзбекистонга 22 гуманитар юк етказилган.
Айни кунларда бошқа лойиҳалар устида иш олиб борилмоқда. Жумладан, Ўзбекистонда “Кексаларни эъзозлаш йили” ўтаётгани муносабати билан ташкилот мингдан ортиқ ногиронлик аравачалари юбормоқчи.
Бундан ташқари, Toms Shoes компанияси мамлакатга меҳрибонлик уйлари тарбияланувчилари учун 46.5 минг пойабзал етказмоқчи.