«Real»ning uelslik yarim himoyachisi Garet Beyl klub rahbariyatiga hujumning o‘ng qanotida o‘ynash niyati yo‘qligini bildirdi. Garetning aytishicha, o‘ng qanotdan o‘ynash orqali u jabr chekmoqda.
Shu bilan birgalikda Krishtianu Ronaldu hujumning markazida o‘ynamoqchi emas. U chap qanotda va erkin futbolchi sifatida harakat qilmoqchiligini bildirgan.
Avvalroq, «Real» jamoasining yangi bosh murabbiyi Rafael Benites Krishtianu Ronalduni hujumning markaziga qo‘yib, Beylni chap qanotga o‘tkazmoqchi ekani haqida ma'lumot tarqatilgandi.