Computex 2015 кўргазмасида Dell компанияси XPS ҳамда Inspiron моделидаги ноутбукларни, шунингдек, Inspiron 3000 моноблок шахсий компьютерини тақдим этди.

Inspiron 7000 ноутбуки 15,6 дюймли Full HD экран, Intel Core i7 процессери ҳамда 4 ГБ тезкор хотира билан жиҳозланган. Шунингдек, бу ноутбукнинг сув ўтказмайдиган клавиатура ҳамда алюминдан ясалган корпусга трансформер версияси ҳам мавжуд.

Inspiron 5000 ноутбуки яқинда тақдим этилган AMD Carrizo процессорида ишлайди. Ноутбук 14, 15,6 ҳамда 17 дюймли уч хил кўринишга эга. 15,6 ҳамда 17 дюймли версиялари сенсорли экран билан жиҳозланади. Бу қурилмалар баъзи мамлакатларда 14 дюймли модели 499 доллар, 15 дюймли кўринишга эга версияси 599 ҳамда энг катта 17 дюймли тури 699 доллар нархда сотувга чиқиб улгурган. Ноутбукнинг Intel Braswel процессорида ишлайдиган версияси жорий йилнинг август ойида тақдим этилади.

Dell моноблок кўринишдаги шахсий компьютери ҳам AMD ва Intel процессорли версиялари мавжуд. Inspiron 24 23,4 дюймли Full HD дисплейга эга. Inspiron 20 версиясига 19,5 дюймли дисплей ўрнатилган ва бу модель фақатгина Intel чипи билан тақдим этилади.

Моноблокларнинг бошланғич нархи 329 долларга тенг.