Москванинг Домодедово аэропортида ошқозонида 800 гр.дан кўпроқ кокаин олиб ўтмоқчи бўлган Эквадор фуқароси қўлга олинди. Бу ҳақда Россия Федерал божхона хизмати расмий сайтида маълум қилинди.

“Рентгеноскопик текширув эркакнинг қорин бўшлиғида ёт жисмларнинг борлигини кўрсатди. Стационарда махсус тиббий муолажа ўтказилгандан кейин эркакнинг ошқозон-ичак йўлидан қўлбола услубда яратилган 21 та контейнерда умумий оғирлиги 818,8 гр келадиган суюқ модда олинди”, дейилмоқда хабарда.

Ушбу ҳолат юзасидан Россия Жиноят кодексининг “Гиёҳванд воситалар, психотроп моддалар, уларнинг прекурсор ва муқобиллари контрабандаси” моддаси бўйича жиноий иш қўзғатилган.

Аввалроқ, Мексикада бир киши иккита ит ошқозонида кокаин олиб ўтмоқчи бўлганда қўлга олинган.