Хитойда Олий ўқув юртларига кириш имтиҳонлари вақтида дронлардан фойдаланилади. Бу ҳақда engadget.com портали хабар бермоқда.

Кейинги ўқув йили арафасидаги кириш имтиҳонлари вақтида абитуриентларнинг қинғир усуллардан фойдаланмаслигини таъминлаш мақсадида шундай йўл тутишга қарор қилинган. Натижада, талабалар ўзгаларнинг кўмагисиз ҳаққоний тарзда имтиҳон топширади.

Тепадан туриб вазиятни кузатиб турадиган мосламалар ҳар қандай шубҳали ҳаракатни қайд этади. Бундай дронлар узлуксиз равишда тепада учиб юришади ва имтиҳон топширувчилар бирон дақиқа ҳам назоратсиз қолишмайди.

Қоидабузарликни аниқлаган дронлар бу ҳақда дарҳол сигнал орқали маълум қилади ва қоидабузар ўша вақтнинг ўзида имтиҳондан четлатилади.