Ericsson компанияси эълон қилган Mobility Report ҳисоботида жаҳон алоқа бозоридаги вазият таҳлили ва яқин беш йиллик истиқболлари кўрсатиб берилди.
Тахмин қилинишича, 2014 йил якунларига кўра интернетга мобил алоқа орқали чиқиш ҳолатлари 7.1 млрд ҳолларда қайд этилган, 2015 йилнинг биринчи чораги якунларига кўра бу сон 7.2 млрд га ошган. 2020 йилга келиб бу кўрсаткич 9.2 млрд га тенг бўлади. Шуни эътиборга олиш керакки, гап SIM-карталарнинг умумий миқдори ҳақида кетмоқда; битта шахс бир нечта SIM-картага эга бўлиши мумкин, аммо буни аниқлаштириш қўшимча мураккабликлар келтириб чиқаради.
Ўтган йил охирида смартфонлар ёрдамида 2.6 млрд фойдаланувчи интернетга чиққан. 2020 йилга келиб уларнинг сони 6.1 млрд га чиқади. Ўша йилга келиб смартфонлар дунё аҳолисининг 70 фоизида бўлади.