4 июнь куни Нигерияда иккита портлаш содир бўлди.

Биринчи портлашни ўтинлар ортилган юк машинасида ўтирган террорчи-худкуш амалга оширди. У юк машинасини Майдугури шаҳрида жойлашган ҳарбий шаҳарча назорат-ўтказиш пунктига келиб урган. Оқибатда 8 нафар ҳарбий ҳалок бўлган.

Кейинроқ Нигериянинг шарқида жойлашган Йола шаҳридаги бозорлардан бирининг кираверишида яна битта портловчи қурилма ҳаракатга келтирилган. Портловчи қурилма маҳаллий аҳоли шом намозини адо этиш учун уйларига қайтаётганларида, одам кўп бўлган пайтда портлатилган. Қурбонлар сони аниқлаштирилмоқда.

Ҳозирча мамлакатдаги ҳеч қайси бир террорчилик ташкилоти бу ҳужум учун жавобгарликни ўз зиммасига олмади.