Ўзбекистон автомобиль ва дарё транспорти агентлигида халқаро автомобиль алоқаси бўйича Ўзбекистон-Беларусь қўшма комиссиясининг навбатдаги йиғилиши бўлиб ўтди.

Ўзбекистон делегацияси таркибига агентлик вакиллари, ТИВ, Ташқи иқтисодий алоқалар, инвестициялар ва савдо вазирлиги, божхона қўмитаси ва Ўзбекистон халқаро автомобиль юк ташувчилари уюшмаси (AIRCUZ) вакиллари кирди. Беларусь томондан транспорт ва коммуникациялар вазирлиги, халқаро автомобиль юк ташувчилари уюшмаси (БАМАП) ва транспорт ташкилотлари вакиллари иштирок этди.
Ўзбекистон делегациясига автомобиль ва қишлоқ транспорти агентлиги бошлиғи ўринбосари Шоалим Шоваҳобов, Беларусь делегациясига эса транспорт ва коммуникациялар вазирлиги автомобиль ва шаҳар йўловчи транспорти бошқармаси бошлиғи Сергей Дубин бошчилик қилди.

Тадбир давомида томонлар ўзаро ҳамкорлик истиқболларини муҳокама қилишди. Шунингдек, халқаро юк ташиш, ҳар куни расмийлаштириладиган рухсатномалар миқдори ва уларни олиш жараёнларини осонлаштириш сингари масалалар кун тартибида бўлди.
Мажлис якунларига кўра комиссия томонидан тегишли баённома имзоланди.