Урганч давлат университети ходимлари томонидан яратилган ушбу электрон ўқув қўлланмада Олимпия ўйинлари таркибидан ўрин олган гандбол спорт тури ҳақида маълумот берилади.

Хусусан, Гандбол ўйинининг пайдо бўлиши ва ривожланиши, ўйин қоидалари, ҳакамлик жестлари, глоссарий, ҳаракатларни бажаришнинг умумий тавсифномаси, майдон ўлчамлари, 100 дан ортиқ ўргатувчи видеолар, расм ва схемалар, тестдан ўтиш ва бошқа кўплаб қимматли маълумотлар мавжуд.
Дастурнинг функционал имкониятлари - керакли бўлим, материал ва мавзуга тез ўтиш, сониянинг бир қисмида ўрганилаётган матннинг кўплаб варақаларини очиш; мультимедиа имкониятини қўллаш, ўрганилаётган мавзуни анча қизиқарли, тушунарли қилиш имконини беради; ўрганувчига мустақил ишларни амалга ошириш имконини беради (оғзаки, сўровлар, тест ва хоказолар); қўлланмада видеоматериаллари динамик суръат билан қуроллантирилгани ўрганувчига ўрганилаётган ҳодисани турли томондан тажриба қилиш, кўриш имконини беради.

Ушбу электрон ўқув қўлланма олий таълим муассасалари, олимпия заҳиралари коллежи ва педагогика ва спорт коллежлари, болалар ва ўсмирлар спорт мактаблари ўқитувчи-мураббийлар, талабалар ва барча спортга қизиқувчилар учун мўлжалланган.
Муаллифлар - А.К.Шарипов, А.Ҳ.Бўтабаев, Ж.Ш.Жамматов, Н.М.Рўзметов ва М.М.Балтаева ушбу дастур учун № ДГУ 03115 рақамли гувоҳнома берилди, деб хабар беради Интеллектуал мулк агентлигининг ахборот хизмати.