Россия президентининг матбуот котиби Дмитрий Песков охирги йилларда G7 ва G8 форматидаги саммитлар халқаро муаммоларни ҳал қилишда самарадорлигини йўқотиб бораётгани ҳақда гапириб ўтди.

"Баландпарвоз гаплар билан бирон муаммо ҳал бўлиб қолмайди, ишчан бўлиш керак. "Катта еттилик" ёки "катта саккизлик" халқаро муаммоларни ҳал қилишда ўз самарадорлигини йўқотиб бораётганини тан олишимиз керак. Муаммоларни муҳокама қилиш ва ҳал этиш учун бошқа самаралироқ форматларда ишлаш керак", дейди Песков "Катта йигирматалик"ка ишора қилиб.

"Россия БРИКС ва ШҲТ каби ташкилотларда раислик қилмоқда ва бу ташкилотлардаги ҳамкорлари билан истиқболли лойиҳаларни амалга оширишда давом этмоқда. Биз айни вақтда УФАда бу икки ташкилотнинг навбатдаги саммитини ўтказиш учун қизғин тайёргарлик кўрмоқдамиз", дейди Песков.