Марказий Англияда жойлашган Нанитон шаҳридаги Aldi супермаркети унга ташриф буюрган оила дўконда сотилаётган бананлар орасидан дунёдаги энг заҳарли ўргимчак – Бразилия сайёр ўргимчагининг тухумини кўриб қолганларидан кейин ёпиб қўйилди. Бу ҳақда CBS News телеканали хабар бермоқда.

Ўргимчак тухумини кўриб қолган оила бу ҳақда полицияга хабар берган. Полиция дўконни ёпиб қўйди ва бу тухумларни қўйган ўргимчакларни қидиришга киришди.

Бразилия сайёр ўргимчаги Гиннес рекордлар китобига дунёдаги энг заҳарли ўргимчак сифатида киритилган, унинг 0,006 мг заҳари сичқонни ўлдиришга қодир ҳисобланади.