"Барселона" ҳужумчиси Неймар ЕЧЛ финалида "Ювентус"га қарши учрашув олдидан фикрлари билан ўртоқлашди.

"Мен кўп финалларда ўйнаганман, аммо буниси - ҳозирча энг муҳими. Бу ҳаётимдаги энг муҳим ўйин, шунинг учун бор маҳоратимни ишга солишга ҳаракат қиламан. Бу менинг болалик орзуим ва умид қиламанки, ўйиндан завқ оламан.

Мен буни олти ёшимдан буён кутаман. Ниҳоят бу кун келди ва жамоадошларим билан биргаликда чемпионлар лигасида ғалаба қозонамиз.

Месси ва Суарес - жуда катта маҳортага эга, қойилмақом ўйинчилар. Асосийси - биз майдонда ҳам, унинг ташқарисида ҳам дўстмиз. Бу жуда ёрдам беради. Бу мавсумни ажойиб равишда якунлаб, стадионни бахтиёр тарк этамиз деб умид қиламан. Бу мавсумда жуда кўп иш бажардик. Ғалаба қозонишимизга тўлиқ ишонаман", - дейди Неймар.