Қозоғистон ва Беларусь келишувга кўра Россия орқали Эрон нефтини сотиб олиши мумкин, деб ёзмоқда Bloomberg агентлиги.

Бу ҳақда Эрон нефть вазири Бижон Номдор Зангоний маълум қилди.

Зангонийнинг айтишича, Қозоғистон ва Беларусь Евроосиё иқтисодий иттифоқи аъзолари бўлганлари учун Эрон нефтини сотиб олишлари мумкин.

Аввалроқ Россия кейинги ҳафтадан Эрондан “маҳсулотлар эвазига нефть” битими доирасида Эрон нефть импорт қилишни бошлаши маълум қилинганди.