ФИФА президенти Йозеф Блаттернинг қизи Корин отасининг ўз лавозимини тарк этиш қарорига изоҳ бериб ўтди.

“У футбол учун кетди. У менга ФИФА ишончни йўқотса, ҳомийлар кетиб қолишидан қўрқишини айтган эди.

Унга қарши фитна уюштирилди. Платини конгресс давомида белдан пастки қисмга зарба бергудек сўзларни айтди. Менга ҳеч қандай фитна бўлмаганини айтманг.

Мен ўз отамни яхши биламан. У сиз топишингиз мумкин бўлган дунёдаги энг ҳалол одам”, деб айтмоқда Блаттернинг қизи.

Аввалроқ ФҚБ ва АҚШ Адлия вазирлиги Блаттерни тергов қилаётгани маълум қилинганди.