Туркия президенти Ражаб Тойиб Эрдўған эски президент саройи сувараклар билан тўла бўлгани сабаб, Анқарада янги Оқ сарой қурдиришга қарор қилган. У сувараклар Туркия имижига ярашмаганини қайд этиб ўтди.

Эрдўғаннинг айтишича, қиймати 615 миллион долларга тенг ва 1150та хонаси бор бу сарой турк миллатининг рамзи бўлиб, унинг қурилиши учун сарфланган маблағни «ортиқча бўлди», деб бўлмайди.

Оқ саройнинг қурилиши 2011 йилда Туркия бош вазирининг идораси сифатида қурилиши бошланган эди. 2014 йилги президентлик сайловларида ғалаба қозонган Эрдўған бу саройни ўз қароргоҳи сифатида маълум қилган.

Турк мухолифати бу сарой учун сарфланган 615 млн долларлик харажатни исрофгарчилик деб атаган.