АҚШ президенти Барак Обама “Катта еттилик” саммитига Германия канцлери Ангела Меркель ҳамроҳлигида кетаётганида Крюн шаҳридаги пивохонага кириб ўтди, дб хабар бермоқда NBC News телеканали.

Анъанавий бавар кийимлари кийиб олган маҳаллий аҳоли вакиллари АҚШ етакчисини кутиб олишган. Обама улар билан суҳбати чоғида ўз костюмини эсидан чиқариб қолдирганини айтиб, Германиядан янгисини сотиб олиши имкони борасида қизиқиб кўрган.

Шундан кейин Обама Меркель билан бирга Крюнниннг марказидаги столчалардан бирига ўтириб, пиво истеъмол қилишган. Обамага шунингдек, устига йирик туз сепилган бавар тешиккулчалари билан меҳмон қилинди.

“Афсуски, саммит бино ичида ўтказилади. Биз шу ажойиб майдонда ўтиришимиз ва пиво ичишимиз мумкин эди!” деб айтди Обама.

АҚШ президенти G7 саммитига 7 июнь куни етиб келди. Ангела Меркель уни кутиб олиш пайтида икки давлатда баъзи масалаларда турли фикрлилик бўлишига қарамасдан, Германия- АҚШ муносабатлари дўстона бўлиб қолишини айтди.

“Катта еттилик”нинг икки кунлик саммити Бавариянинг Эльмау қасрида бўлиб ўтмоқда. Саммитда Германии, АҚШ, Канада, Франция, Италия, Япония ва Буюк Британия етакчилари қатнашмоқда. Россия ўзининг Украинадаги можароларга муносабати туфайли деярли гуруҳ мажлисларида иштирок этиш ҳуқуқидан маҳрум этилган.