24 май куни марҳум қўшиқчи Охунжон Мадалиевнинг ўғли Қиличбек Мадалиев уйлангани хабар қилинди.

Даракчи нашрида ёзилишича, Қиличбек Мадалиев аксар санъаткорлар каби ўз тўйининг овоза бўлишини истамаган ва бу ҳақда газетада ёзмасликларини ҳам сўраган.

Тўй маросими Фарғона шаҳридаги тўйхоналардан бирида ўтказилган.

Хабарда айтилишича, қўшиқчи ўзининг болаликдаги таниши, Моҳира исмли қизга уйланган. Никоҳ маросимида яна бир санъаткор Баҳром Назаров куёвжўралик қилгани, Отабек Муҳаммад Зоҳид эса висол оқшомида навбатчи санъаткор сифатида хизматда бўлгани айтилмоқда.