Туркия президенти Ражаб Тойиб Эрдўған Истанбулда мамлакатда 7 июнда бўлиб ўтаётган парламент сайловларида овоз берди.

“Барча партиялар узоқ давом этган сайловолди марафонини босиб ўтдилар. Бугун сайловларда қатнашиш даражаси юқори бўлди. Бу сайловлар давлатимизнинг барқарорлиги ва хавфсизлигни таъминлашига аминман. Давлатимизга, халқимизга фаровонлик тилаб қоламан”, деб айтди Эрдўған сайлов қутисига бюлетенни туширгандан кейин журналистларга берган интервьюсида.

Туркиянинг 53,7 млн фуқароси сайловларда иштирок этиш ҳуқуқига эга бўлмоқда. Улар Туркиядаги 20та партия ва 165та мустақил номзод орасидан Туркия парламентининг 550 аъзосини сайлашлари керак бўлади.