6 июнь оқшомида "Барселона" жамоасига 1:3 ҳисобида мағлуб бўлган "Ювентус" ЕЧЛ финалларидаги натижалари бўйича антирекорд ўрнатди.

Туринликлар жамоаси Берлиндаги "Олимпиаштадион" ўйингоҳидаги ўйинда ўз тарихида олтинчи марта ЕЧЛ финали ўйинини бой берди.

Жамоа 1992 йилдан кейин янги форматда жорий қилинган ЕЧЛ мусобақаларида бешинчи марта финалга чиқди. "Ювентус" ўз тарихида 8 марта ЕЧЛ финалларида ўйнаган ва 1985 йилда "Ливерпуль"ни, 1996 йилда эса "Аякс"ни мағлуб этиб, чемпион бўлган. "Кўҳна синьоралар" 1973 йилда "Аякс"дан, 1983 йилда "Гамбург"дан, 1997 йилда "Боруссия"дан, 1998 йилда "Реал"дан, 2003 йилда "Милан"дан ва 2015 йилда "Барселона"дан мағлуб бўлди.

Ўз навбатида "Ювентус" сафида ҳаракат қилаётган Патрис Эвра ўз фаолиятида тўртинчи марта ҳам ЕЧЛ финалида мағлуб бўлди. У 2004 йилда "Монако" сафида, 2009 ва 2011 йилларда эса "МЮ" сафида ЕЧЛ финалларида ғалабага эриша олмаган.