Австралиянинг Янги Жанубий Уэльс штатида номаълум эркак бульдозерни олиб қочиб, у билан учта машинани мажағлаб, битта уйни бузиб ташлади. Бу ҳақда маҳаллий полиция ахборот тарқатди.

The Daily Telegraph нашрининг хабар беришича, 48 ёшли эркак Лейк-Маккуори шаҳридаги корхоналардан бирининг ҳудудида турган бульдозерни душанба куни эрталаб олиб қочиб кетган. Сўнг у шаҳарнинг марказий туманига келиб, юқорида тилга олинган ишларни амалга оширган.

Воқеаларни кузатиб турган қўшни 56 ёшли аёл ва унинг 15-20 ёшли қизларига уйдан чиқиб кетишга ёрдам берган.

Воқеа жойига етиб келган полициячилар жиноятчини қўлга олиб, идорага олиб кетишган. Маълум бўлишича, эркак уйини бузиб ташлаган оила вакиллари билан таниш бўлган. Жиноят мотивлари номаълумлигича қолмоқда.