Европа Иттифоқи июль ойида Тошкентда кимёвий, биологик, радиологик ва ядровий материалларга қарши курашнинг олд тажрибалари марказларининг Марказий Осиё бўйича минтақавий котибиятини ташкил қилади. Бу ҳақда РИА Новости агентлиги хабар бермоқда.

“Умид қиламизки, июль ойининг ўрталарига қадар барча масалаларни ҳал қилиб, расмий очилиш маросимини ўтказишга улгурамиз”, – деди ЕИнинг Ўзбекистондаги элчиси Юрий Штерк. Унинг сўзларига қараганда, марказнинг очилиши учун барча зарурий ҳужжатлар тайёрланган.

Тошкентдаги марказ асосий бўлади, минтақанинг бошқа давлатларида унга бўйсунувчи марказлар ташкил қилинади. Улар тажриба алмашиш, қонунчиликни кўриб чиқиш ва ўзаро қиёслаш билан шуғулланади.