АҚШ президенти Барак Обама ФИФАнинг ҳалол ва очиқ-ойдин ишлашини истаётганини айтди. Бу ҳақда у Германиядаги “Катта еттилик” саммити якунларига кўра маълум қилди.

“ФИФА ҳалоллик, ойдинлик ва жавобгарлик тамойилларида фаолият юритиши муҳимдир. Айбловлар ва терговлар давом этмоқда ва биз шу нарсани ёдимизда сақлашимиз керакки, футбол – бу нафақат ўйин, балки катта бизнес ҳамда улкан миллий ифтихор манбаидир”, деб айтди Обама.

Обама АҚШ прокуратураси томонидан ФИФА фаолияти тергов қилинаётганига изоҳ беришдан бош тортди.