Хитойнинг Ухань шаҳрида енгил атлетика бўйича катталар ўртасида ўтказилган Осиё чемпионатида Ўзбекистон терма жамоаси аъзолари 2 та олтин, 1 та кумуш ва 1 та бронза медалига сазовор бўлиб, умумжамоа ҳисобида 7-ўринни эгаллашди
 
Терма жамоа ҳисобига олтин медалларни Светлана Радзивил (баландликка сакраш) ва Екатерина Воронина (еттикураш) келтиришган, найза улоқтириш мусобақасида Ўзбекистон шарафини ҳимоя қилган Бобур Шокиржонов кумуш (79 м. 09 см), 10 км. масофага югуриш баҳсида иштирок этган Андрей Петров (30 дақиқа-ю 20.68 сония) эса бронза медалига сазовор бўлди. 
 
Осиё чемпионатида 15та олтин, 13та кумуш ва 13та бронза медалини қўлга киритган Хитой терма жамоаси умумжамоа ҳисобида биринчи, қатарлик атлетлар иккинчи (7-2-1), Ҳиндистон вакиллари эса учинчи (4-5-4) ўринни банд этишди. 
 
Ушбу жадвалда Япония термаси тўртинчи (4-3-11), баҳрайнликлар бешинчи (3-3-2) ва ниҳоят БАА атлетлари олтинчи (3-1-0) ўринларни банд этган. Кучли ўнликдан Тайпей (1-4-1, 8-ўрин), Қозоғистон (1-3-3, 9-ўрин) ва Ж.Корея терма жамоаси (1-1-1) жой олишди.