Тошкент яна бир нуфузли мусобақага мезбонлик қиляпти. Бир ҳафта мобайнида “Ўзбекистон” спорт мажмуаси бокс ишқибозлари билан гавжум бўлади. 14 июнга қадар ўсмирлар ўртасидаги қитъа биринчилиги айнан Тошкентда бўлиб ўтади.

Тошкентга Осиё чемпионати мезбонлигини бериш бўйича қарор Олма-ота шаҳрида ўтказилган Осиё бокс конфедерациясининг Бош Ассамблеясида қабул қилинганди. Қитъа чемпионатида 1999-2000 йилда туғилган боксчилар 13та вазн тоифасида баҳсларга киришишди.

Осиё чемпионатида ўзбекистонлик чарм қўлқоп усталаридан ташқари, Эрон, Иордании, Қозоғистон, Жанубий Корея, Мўғулистон, БАА, Покистон, Таиланд, Филлипин, Япония каби 20га яқин давлатдан жами 116 нафар боксчи иштирок этяпти.